Zindagi insaan ko kab kis modh par kaha le jaye, kuch kaha nahi ja sakta. Kabhi socha na tha Ke zindagi Ke es padav par Jeevan mein itna badlav aayega , Apni grehasti aur apne 2 pyare bachho ko sambhalate hue apni ichaye, apne sapne bhula chuki thi, Mere andar ke nanhi bacchi Ko jagaye mere apne bacche Ne. Mera chota beta Kashyap hamesha kehta tha Maa aap likha karo, likhte kyon nahi.Uski baat maan January 2013 se likhna shuru kiya, Sabse pehle diary mein likhne lagi apne din bhar ke baatein. Dheere dheere pata nahi kaise kab apne shabdo ko kavita mein pirona seekh gayi. Apne aap ko bahut bhagyashali samajhati hu jo mere apne mujhe itna pyar karte hai. Meri badi behen Manju Duggal ko phone kar sabse pehle apni har kavita sunati hu aur woh hamesha mujhw protsahan deti hai. Meri sabse pyari saheli hai Meri diary, sukh ho ya dukh sab ussse baant leti hu . Aasha karti hu aur bhagwan se pradhana bhi ke jyada se jyada log meri kavita pade aur apna feed back bhi de. Nayi hu es field mein. Seetha saatha thoda bahut likh leti hu. Ishwar apni kripa sab par banaye rakhna.